（二十）
果晚大战过后，因为第二日（礼拜日）朝早约左屋企人饮茶，所以我起身同ke就直接走左。
喺搭地铁出番去期间，我数数手指，发现距离kenny去读书只係剩番十日左右，唔知我会唔会喺佢临走前再见多佢一次呢？
过左两日，kel ，而且同佢啲朋友又唔熟，怕去到会闷，但同时又怕今次唔去就再见唔到佢，天人交战咗之后，我决定问吓佢仲有无其他日子。
我﹕果日我唔firm呀！要加班。你个大忙人！临走前仲有无其他日子得闲食个饭呀？
kenny﹕我礼拜四走，礼拜三晚要陪屋企人食饭，一係我过两日覆你啦。
我﹕好呀！
果两日我真係好忐忑，心谂如果佢话佢再无时间，咁我係咪就无机会再见佢？我有谂过不如我直接同公司讲果两日唔ot，然后同kenny讲我得闲，但果两日ot全世界都番我唔番好似好怪咁；同时我又谂，如果kenny肯为我逼出一啲时间食餐饭，係咪代表我喺佢心入面多少都佔一定地位呢？
到礼拜四，终于收到kepp回覆。
ke不如我临走之前约打番场波啰？
我﹕好呀…但係我呢个呀！
kenny﹕哦…咁…算啰。
我﹕er…咁你临走前边日得呀？最多我请半日假陪你打波啰！
kenny﹕好呀好呀！光哥你真係好好人。礼拜二你得唔得呀？
我﹕应该无问题。
后来我忽然醒起同kenny识左咁耐都未同佢去睇过戏，决定问佢要唔要睇戏打波直落。
我﹕喂，果日我请下昼假，两三点太热唔想打波住，去睇场戏先好唔好呀？
kenny﹕好呀！咁啱先我都有套戏想睇！
我﹕你想睇边套呀？
kenny﹕我想睇迷你兵团！
我﹕哦你渣主意啦。
kenny﹕好耶～～我之前问我条女睇唔睇佢话幼稚喎，真係好光哥你肯陪我。
我﹕哈哈幼稚咪啱你啰！
kenny﹕咁我买飞同book场。
眨下眼就去到礼拜二，果朝我快快手做晒手上啲工作，然后準时放工然后去戏院同kenny会合。
因为係暑假，加上我地睇套动画片，所以闲日下昼个院都好多小朋友。其实我一路睇一路打喊露，因为套戏真係几幼稚下，果三只黄色怪做啲嘢好鬼无聊，剧情又平淡，但唔明点解全场好多人都笑得好开心，包括kenny…
好彩套戏唔係好长，终于无无聊聊食吓爆谷就咁捱完左。
ke你觉得套戏唔好睇呀？我见你都无乜点笑ge？
我﹕少少无聊啰！
kenny﹕我觉得几好笑呀！全场啲人都睇得好开心呀！
我﹕咪啱你呢啲幼稚人啰！仲有果三只嘢黄咁咁似你啰！
kenny﹕似我？
我﹕似你咁”黄”呀！哈哈咸湿仔～
kenny﹕顶！睇套卡通片你都话我係咸湿仔，係架，我认我咸架！
然后佢竟然趁我唔为意，伸手向我下体渣左一下。
我﹕屌你～公众场合黎架！
kenny﹕话我咸呀麻，咪咸俾你睇啰～
我﹕我先唔好似你咁唔知丑呀。走啦，去打波啦！
我地book咗五点到七点，好彩今日唔算好晒，虽然个球场都係有啲焗。对抽左十五分钟之后，kenny忽然有个提议。
kenny﹕不如我地开gar！我同你打左咁耐都未打过比赛！
我﹕哈哈你唔怕输到甩裤呀！
kenny﹕咁口响？咁一係你让赛啰！
我﹕点让赛呀？
kenny﹕每局都係我30-0领先开始。
我﹕哦！好啦！
kenny﹕我赢咗咁点先？
我﹕哈哈哈！（真係笑出声）你真係觉得你会赢架？你赢到你锺意点咪点啰～
kenny﹕真係我锺意点都得？
我﹕睇清况啰！咁无可能你叫我俾一百万你我都俾架麻！
kenny﹕好啦！我一定要赢你！
我﹕我地边个发球先呀！
kenny﹕我啦。
开波第一球，已经感受到kenny要赢果份决心，因为我地平时都係对抽底线为主，好少玩发球，所以我无预期到佢发球有番几道板斧！明明我都无乜教佢发球，肯定係佢跟其他人学番黎的。
由于好唔适应佢发球的威力，佢连续两球发球我都接唔到，因为我每局先让佢两分的关係，意味住我唔够一分钟已经输咗第一局。
第二局换我发球，相比我其他技术，我发球係比较弱的，亦俾左机会佢回发球时做进攻，呢局来回球多咗，其实基本底线只要打到超过五板啲波我都会赢，毕竟佢唔够我稳。但喺我落后30-40时，我竟然意外咁发咗个dult，俾佢破咗发，我落后零比二。
第三局个情况同第一局有啲似，我仲係唔太适应佢的发球节奏，即使我挡到番去都俾佢打番另一边空场，好快我就以零比三落后…
换场休息果阵，我听到kenny同我讲﹕光哥你小心要食蛋呀…
（待续）
喜欢我的网球徒弟请大家收藏：(m.dmfuman.com),棉花糖小说网更新速度最快。